Mirë se erdhët Konsulli i Përgjithshëm i Republikës së Kosovës z. Agim Krasniqi, së bashku me zv. Shefin e Misionit z. Faruk Bytyqi.
Në këtë takim të ngushtë dhe të përzemërt diskutuam tema të ndryshme, megjithatë vëmendje të veçantë i kushtuam kujdesit shëndetësor specialistik-konsultativ dhe spitalor që ofrojmë në
#SpitalinEPërgjithshëmTëStrugës për të gjithë popullatën në rajonin jugperëndimor.
Konsulli i Përgjithshëm z.Krasniqi na dërgoi urime të sinqerta për punën e bërë deri më tani, për përballjen me sukses të luftës kundër Covid-it, për angazhimin tonë të plotë për shëndetin e popullatës si dhe trajnimin e mjekëve tanë.
Për momentin 26 mjekë nga spitali ynë po rrisin nivelin e njohurive të tyre në Shkup, në Qendrën Klinike. Ne arritëm të përmirësojmë infrastrukturën spitalore si dhe të sjellim pajisje teknologjike moderne dhe inovative.
Personalisht, i shpreh mirënjohjen time të veçantë Konsullit të Përgjithshëm të Republikës së Kosovës, z. Agim Krasniqi, për kohën e ndarë në këtë takim të frytshëm dhe vëllazëror, me shpresën e forcimit dhe bashkëpunimit tonë në të ardhmen.
