Sot (13 tetor) kryetari i Komisionit për Çështje Evropiane, në kuadër të pjesëmarrjes së tij në konferencën me temë: “Roli i parlamenteve në procesin e Berlinit”, që mbahet në Tiranë, ka zhvilluar takim me kryetaren e Kuvendit të Shqipërisë, znj. Lindita Nikolla.
Në takim, në atmosferë miqësore, u shkëmbyen mendime dhe pikëpamje për zhvillimin e bashkëpunimit parlamentar të dy vendeve fqinje, në dritën e kryesimit të Shqipërisë me procesin e Berlinit më 16 tetor në Tiranë dhe nismës parlamentare për përfshirjen e parlamenteve në proces, i cili është në agjendën e Samitit të Berlinit të këtij viti.
Të dy bashkëbiseduesit ranë dakord se ka një momentum pozitiv dhe përkushtim për procesin e zgjerimit të BE-së me vendet e Ballkanit Perëndimor dhe se në këtë drejtim duhet ta zhvillojmë bashkëpunimin rajonal si pjesë e kritereve tona politike për anëtarësim në Bashkim. Kjo është një mundësi e madhe për vendet tona, të cilën duhet ta shfrytëzojmë.
