Bashkimi Demokratik për Integrim vlerëson se projektet kapitale janë të rëndësisë së veçantë ashtu siç edhe sot përurimi i rrugës së rekonstruar në vendbanimin Bojanë. Kjo rrugë është ndërtuar me gjitha standardet, me gjatësi prej 2.6 km dhe gjerësi prej 5.80m, rrjet i ri i ujësjellësit afro 5 km, kanalizim fekal 2 km, kanalizim atmosferik 2 km, trotuar afro 3.5 km dhe mur mbrojtës 700 m. Vlera e projektit është 83.851.201. Bashkimi Demokratik për Integrim konsideron se bashkëpunimi mes pushtetit lokal dhe atij qendror sjellë gjithmonë sukses andaj edhe ky projekt është rezultat i bashëpunimit të shkëlqyeshëm mes komunës Saraj, qytetit të Shkupit dhe Qeverisë. Fshati Bojane është vendbanimi i fundit në qytetin e Shkupit drejt komunës së Zhelinës dhe kjo tani është dëshmi se si në bashkëpunim mes komunës së Sarajit dhe Qytetit të Shkupit, të ndihmuar edhe nga Qeveria arrihet të zgjidhet problem dhjetëvjeçar i banorëve të Bojanës që tani kanë infrastrukturë të mirë rrugore. Bashkimi Demokratik për Integrim edhe më tej do të vazhdojë në realizimin e programit si dhe përmbushjes së kërkesave të qytetarëve për një jetë sa më të mirë.
