Vazhdon edhe sot të qëndrojë postimi skandaloz në faqen e Facebookut të kryetarit të Komunës së Gostivarit dhe Sekretarit të përgjithshëm të Aleancës, Arben Taravari në të cilin citon Hitlerin: “meqë populli na votoi ne, tani le të durojë dhe vdekjet!”I papranueshëm është plasimi dhe përdorimi i çfarëdo metafore apo fraze të këtillë në fjalorin e një politikani dhe bartësi të një funksioni publik në një vend që thelbin e funksionimit dhe zhvillimit ka demokracinë dhe promovimin e vlerave të saj.Mendësia absurde dhe skandaloze e shprehur në postimin e Taravarit është ofendim ndaj sovranit dhe shkelje flagrante e normave demokratike të politikëbërjes.Presim që Taravari të reflektojë dhe të kërkojë falje publike ndaj të gjithë qytetarëve, ndaj familjarëve të viktimave. Ftojmë edhe Aleancën për Shqiptarët që të distancohet dhe të dënojë këtë qëndrim absurd të anëtarit të udhëheqësisë së saj.Qëndrimi prohitlerian i Taravarit nuk ka vend në shoqërinë tonë demokratike dhe si i tillë meriton të dënohet nga bota akademike, opinionbërësit, mediat dhe gazetarët, shoqatat joqeveritare.
