Me aktualizimin e idesë sonë programore për ndryshimin e konceptit të përzgjedhjes së Presidentit të vendit në Kuvend me 2/3 e votave dhe me shunicë të Badenterit që i hap rrugë mundësisë së zgjedhjes edhe të presidentit të parë shqiptar, i papritur ishte reagimi i partive më të mëdha të bllokut politik maqedonas kundër saj.
VMRO DPMNE dhe LSDM ishin edhe kundër Kryeministrit të parë shqiptar, por ja që u bë.
Bashkimi Demokratik për Integrim ju bën thirrje VMRO DPMNE-së dhe LSDM-së të reflektojnë dhe të distancohen nga politikat arkaike, që kushtojnë dhjetëra miliona euro, shumë energji në shoqëri, bllokojnë ekonomi ë për disa muaj ndërsa rezultati nga kompetencat është gati zero.
Asgjë të keqe nuk e gjeti vendin tona nga Kryeministri i parë shqiptar, nga Kryetari i Kuvendit shqiptar, nga Zëvendëskryeministri i parë, ministrat shqiptar të punëve të Jashtme, Mbrojtjes apo Punëve të Brendshme, nga të gjithë ata shqiptar që udhëheqnin shtetin deri më tani, përkundrazi janë bërë hapa të mëdha përpara, u ruajt orientimi properëndimor i vendit.
Bashkimi Demokratik për Integrim nuk do të ndalet deri në realizimin e synimit për ndryshimin e Kushtetutës, për zgjedhjen e Presidentit në Kuvend si dhe miratimin e amandamenteve nga Marrëveshja e fqinjësisë së mirë, për ta vazhduar rrugëtimin europian.
Kryeministrin e parë shqiptar e bëmë, do ta bëjme edhe Presidentin e parë shqiptar.
