Deputetja e BDI Arta Bilalli-Zendeli, është zgjedhur Raportuese e KE-së për eliminimin e të gjitha formave të përndjekjes religjioze.
“Në Komitetin për barazi dhe mos-diskriminim të Këshillit të Europës, me unanimitet nga anëtarët u emërova Raportuese për Raportin “Rregulla globale për eliminimin e të gjitha formave të përndjekjes religjioze””, njofton në profilin e saj në Facebook, deputetja Bilalli-Zendeli.
Informacioni është konfirmuar edhe nga Gerardo Giovagnoli nga Këshilli i Evropës, nismëtar i Rregullores në fjalë.
“I uroj punë të mbarë Raportueses në këtë betejë të rëndësishme dhe universale për liritë dhe të drejtat e njeriut”, shkruan mes tjerash Giovagnoli.
