Duke u përballur me të gjitha vështirësitë në zbulimin dhe luftimin e llojeve të ndryshme të sëmundjeve,ndihma e pajisjeve mjekësore është më se e nevojshme. Sot së bashku me kryetarin e Komunës së Strugës, z.Ramis Merko, i uruam mirëseardhjen Shkëlqesisë së Tij, Ambasadorit të Japonisë, z. Savada
Qytetarët e Strugës dhe të gjithë rajonit, falë “Grant programit të projekteve bazike dhe sigurisë njerëzore-GGP”, donacionit të aparatit ekografik nga Ambasada e Japonisë, kanë qasje në kujdesin shëndetësor më cilësor.
Me këtë aparat modern ekografik, Departamenti i Gjinekologjisë ka dyfishuar kapacitetin e punës, duke ekzaminuar më shumë se 400 pacientë.
Në emër të pacientëve tanë, në emër të Repartit të gjinekologjisë si dhe në emrin tim personal dua të shpreh falenderim të veçantë për Ju dhe për popullin japonez për donacionin e dhënë për këtë aparat modern.
Ju faleminderit për bashkëpunimin dhe përkrahjen.
