Sot nisëm nga qyreti i Dibrës duke vazhduar kështu edhe në qytete të tjera për të realizuar një sërë takimesh në të cilat detalisht dhe në mënyrë transparente dhe të përgjegjshme do të bëjmë prezentimin e modelit të ri të subvencionimit për fermerët.
Ndryshimi që ne propozojmë për blegtorët parashikon subvencionimin e lopëve reproduktive bazë, pra atyre që do të japin mish dhe qumësht.
Propozojmë rritje të subvencioneve për dele nga 1000 në 1700 denarë dhe për lopët qumështore nga 3000 në 4000 denarë.
Përveç kësaj, me modelin e ri dëshirojmë të përshpejtojmë pagesën për qumështin e prodhuar dhe të dorëzuar dhe punohet për krijimin e një sistemi ku pagesa e kësaj mase nuk do të vonohet dhe do të jetë në baza mujore.
