Grubi: Fronti Europian është bashkim në kohën e duhur, vazhdojmë eurointegrimin, mbrojmë vendin nga ndikimi rus

Zëvendëskryeministri, Artan Grubi në televizonin Sitel deklaroi se shqiptarët sot ndihen më mirë dhe më lojal në Maqedoninë e Veriut se sa vite më parë, teksa përmendi dhe disa nga të arriturat që janë bërë në qeverisjen e BDI-së.

“Natyrisht që sot jemi më mirë si shoqëri. Si shqiptarë sot ndihemi më mirë dhe më lojal ndaj shtetit, por edhe shteti ndaj neve. Vendi ka ndryshuar, sot Maqedonia e Veriut është në NATO, është një shtet i barabartë për të gjithë, është një shtet që ka nisur bisedimet me Bashkimin Europian për anëtarësim në BE”, deklaroi Grubi.

Më tej Grubi tha se Fronti Europian erdhi në momentin vendmtar për shtetin, si kundërpërgjigje ndaj ndikimit rus në vend dhe për të çuar përpara procesin e eurointegrimit të vendit.

“Jemi ende parti e gjelbërt, kemi ende pjesë të agjendës sonë partiake këtë agjende, mirëpo momentalisht ne e dimë që kërohet nga ne që të fokusohemi në atë që e kërkon Europa, për eurointegrimin e vendit, sepse në vendin tonë ka dukshëm ndikim rus. Kemi Levicën, kemi “Konceptin Maqedonas”, kemi Baçevin… Pra, kemi OJQ, gazetarë, politikanë që promovojnë dhe punojnë për agjendën ruse, ndaj nuk duhet t’I anashkalojmë këto detaje sepse me të vërtëtë janë të rëdësishme. Ndryshe dhe gjithë gazin Maqedonia e ka nga GazPromi rus, pra ka ndikim”, shtoi mes tjerash Grubi.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…