Zëvendës ministri i Mbrojtjes, Bashkim Hasani sot ka pritur në takim shefin e Shtabit të përgjithshëm të Mbretërisë së Norvegjisë, gjeneralin Eirik Kristoffersen. “Sot në hapsirat e Ministrisë së Mbrojtjes prita delegacionin norvegjez të kryesuar nga shefi i Shtabit të Përgjithshëm të Mbretërisë së Norvegjisë gjeneral Eirik Kristoffersen”, thekson kështu Hasani. Gjatë këtij takimi, zëvendës ministri Hasani ka falenderuar gjeneralin norvegjez për bashkëpunimin e ndërsjellë mes dy vendeve në fushën e mbrojtjes dhe rrugën drejt anëtarësimit në NATO. “Në takim gjeneralit Kristoffersen iu falënderova për angazhimin e deritanishëm dhe bashkëpunimin e ndërsjellë në mes dy shtetetve si dhe per ndihmën e dhënë nga Mbretëria Norvegjeze ndaj shtetit tone, sidomos për përkrahjen e parezervë gjatë procesit të anëtarsimit në NATO. Gjithashtu biseduam lidhur me situatën e sigurisë si dhe zhvillimet aktuale në rajon dhe më gjerë, si rezultat i agresionit ushtarak rus mbi Ukrainën”, ka deklaruar më tej Hasani.
