Kryetari i Kuvendit të Republikës së Maqedonisë së Veriut, Talat Xhaferi, sot realizoi takim me nënkryetarin e Parlamentit të Republikës së Polonisë, Rishard Terlecki.
Duke e vlerësuar vizitën si shumë të rëndësishme, Xhaferi përshëndeti mbështetjen e vazhdueshme që Polonia i jep vendit tonë. Ai dha mirënjohje për rolin e Polonisë në agresionin ndaj Ukrainës, duke vënë në dukje se Republika e Maqedonisë së Veriut miratoi Deklaratë që dënon agresionin rus; vendosi sanksione kundër Rusisë dhe vazhdimisht ofron mbështetjen e nevojshme për Ukrainën.
Terlecki theksoi se në të kaluarën e afërt integrimi në Bashkimin Evropian ka ngecur, jo për shkak të vendeve aspirante por për shkak të vetë Bashkimit Evropian. Duke pasur parasysh situatën aktuale, vazhdoi ai, procesi integrues duhet të përshpejtohet dhe i bëri thirrje Maqedonisë së Veriut që ta shfrytëzojë momentin dhe të mos e humbasë këtë mundësi, sepse bëhet fjalë për të ardhmen e vendit.
Para përfundimit të takimit, të dy bashkëbiseduesit u angazhuan për intensifikimin e bashkëpunimit në nivel parlamentar, duke përfshirë kontaktet në nivelin më të lartë, duke përfshirë në nivel të Grupeve të Deputetëve për bashkëpunimit dhe Trupave të Punës të Kuvendit.
