Kryetari i Kuvendit të Republikës së Maqedonisë së Veriut, Talat Xhaferi, sot realizoi takim me Sh.S. Elita Kuzma, ambasadoren e sapoemëruar të Letonisë në Republikën e Maqedonisë së Veirut, me seli në Pragë. Ai drejtoiu urime për zgjedhjen e ambasadores dhe i uroi punë të sukseshme në përforcimin dhe avancimin e mëtejmë të marrëdhënieve bilaterale ndërmjet vendeve tona. Më tej, shprehu mirënjohje për mbështetjen e vazhdueshme që Maqedonia e Veriut e pranon për aderimin në BE, si edhe për gatishmërinë për ndarjen e përvojës së Letonisë në atë rrugëtim. Në kohë të sfidave serioze gjeopolitike dhe ekonomike në Evropë dhe në botë, mbështetja e mëtejshme e Republikës së Letonisë për integrimin e Republikës së Maqedonisë së Veriut dhe të vendeve tjera të Ballkanit Perëndimor është me rëndësi shumë të madhe.
Ambasadorja Kuzma falënderoi për gjithë kontributin që Republika e Maqedonisë së Veriut e jep për sigurinë e rajonit përmes misioneve të NATO-s, për harmonizimin e politikës së vendit me politikën evropiane të jashtme dhe të sigurisë, si edhe për gjithë përpjekjet për demokratizimin e vendit. Ajo sugjeroi për nevojën për vazhdimin e reformave të duhura me qëllim që të vazhdohet në rrugën evropiane të vendit.
Të dy bashkëbiseduesit u zotuan për avancimin e bashkëpunimit ekonomik, kulturor dhe arsimor ndërmjet dy vendeve, si edhe për avancimin e bashkëpunimit të ndërsjellë parlamentar.
