Shkup, 14 korrik 2026
Kryetari i Bashkimit Demokratik për Integrim, Ali Ahmeti, mori pjesë në pritjen solemne të organizuar nga Ambasada e Republikës së Francës në Shkup, me rastin e Festës Kombëtare të Francës. Kjo ishte një mundësi për të ritheksuar rëndësinë e miqësisë dhe partneritetit me Francën, një shtet mik dhe një nga shtyllat kryesore të Bashkimit Evropian, që vazhdimisht ka mbështetur paqen, stabilitetin, demokracinë dhe perspektivën evropiane të Republikës së Maqedonisë së Veriut.
Me këtë rast, Kryetari Ahmeti uroi popullin francez dhe ambasadorin Christophe Le Rigoleur për Festën Kombëtare të Francës, duke shprehur bindjen se bashkëpunimi ndërmjet dy vendeve do të vazhdojë të forcohet në frymën e vlerave të përbashkëta evropiane, lirisë, solidaritetit dhe respektit të ndërsjellë.
