Me rastin e Fitër Bajramit, Kryetari i Bashkimit Demokratik për Integrim, Ali Ahmeti, përcolli urimet e tij më të përzemërta për të gjithë besimtarët, duke u dëshiruar shëndet, paqe dhe begati në familjet e tyre.
Ahmeti theksoi se pas një muaji përkushtimi, sakrifice dhe reflektimi gjatë muajit të Ramazanit, kjo festë e madhe rikthen në vëmendje vlerat më fisnike njerëzore, si solidariteti, mirëkuptimi dhe dashuria për njëri-tjetrin. Ai uroi agjërim të pranuar për të gjithë besimtarët dhe shprehu dëshirën që Fitër Bajrami të sjellë gëzim, harmoni dhe mbarësi në çdo familje.
Gëzuar Fitër Bajramin!
