Me rastin e Festës së Pashkëve, Kryetari i Bashkimit Demokratik për Integrim, Ali Ahmeti, përcolli urimet e tij më të sinqerta për të gjithë besimtarët katolikë.
Ahmeti uroi që kjo festë e shenjtë të mbushë shtëpitë me paqe, zemrat me dashuri dhe jetën me shpresë, duke forcuar lidhjet familjare, solidaritetin dhe frymën e bashkimit.
Njëkohësisht, ai shprehu urime për të gjithë shtetasit e huaj që jetojnë dhe shërbejnë në Republikën e Maqedonisë së Veriut, së bashku me familjet e tyre, si dhe për Atin e Shenjtë, Papa Leoni XIV, duke shprehur dëshirën për më shumë afrim, mirëkuptim dhe bashkëpunim në të ardhmen.
Ahmeti uroi që Pashkët të sjellin paqe, harmoni, begati dhe mbarësi për të gjithë.
Gëzuar Pashkët!
