Ministri i Mjedisit Jetësor dhe Planifikimit Hapësinor Naser Nuredini sot në kuadër të ditës së dytë të Forumit Ekonomik dhe Financiar të Shkupit – SEFF mori pjesë në panel-sesionin kushtuar energjisë dhe tranzicionit të gjelbër. Rreth kësaj teme në panel debatuan edhe drejtori i Sekretariatit të Komunitetit të Energjisë Artur Lorkovski, ambasadori i BE-së David Gere, përfaqësuesi i përhershëm i UNDP-së Armen Grigoryan, drejtori i Bankës Zhvillimore KfW Rene Escheman, drejtori i Bankës për Zhvillim Social në Evropë, CEB Kristijan Tabakaru, drejtori ekzekutiv i EVN-së Stefan Piter dhe kryetari i Komisionit Rregullator për Energjetikë Marko Bislimovski. U shkëmbyen mendime për statusin e Maqedonisë së Veriut në raport me Bashkimin Evropian në procesin e tranzicionit të ekonomisë në një ekonomi të gjelbër, në drejtim të arritjes së synimeve të përcaktuara kombëtare për neutralitetin klimatik, me cilat sfida përballet, si të tejkalohen dhe si të përmirësohen instrumentet financiare dhe mbështetjen për të bërë të mundur tranzicionin.
