Për veprimet afatshkurtëra dhe afatmesme dhe strategjinë e Ministrisë së Mjedisit Jetësor në luftën kundër ndryshimeve klimatike, për atë se si mund të përshpejtojmë zhvillimin e sistemit tonë të menaxhimit me mbeturinat, si një nga kontribuesit në emetimet e gazrave serë, si të përdorim mundësinë të cilën e jep Plani i Veprimit për agjendën e gjelbërt të BE-së për vendet e Ballkanit Perëndimor dhe sa real është qëllimi për reduktimin e emetimeve për 51% deri në vitin 2030, ishin temat në të cilat u përgjigj ministri i Mjedisit Jetësor dhe Planifikimit Hapësinor Naser Nuredini në panel-diskutimin e Samitit Maqedonia2025. Në fjalimin e tij Nuredini vuri theks të veçantë në sigurimin e rritjes ekonomike dhe zhvillimit të qëndrueshëm në vend dhe rajon, me aplikimin e teknologjive të pastra inovative që njëkohësisht sigurojnë edhe mbrojtjen e mjedisit jetësor. Samiti Maqedonia2025 mundësoi shkëmbimin e mendimeve në nivel rajonal dhe diskutimin e përfaqësuesve të sektorit të biznesit, qeverisë dhe akademisë, sektorit civil në tema lidhur me rivitalizimin e ekonomive, gjenerimin e mundësive dhe krijimin e kapaciteteve për rritje ekonomike dhe sigurimin e një të ardhmeje më të gjelbër. Gjithashtu u ndanë edhe histori të suksesshme nga rajoni.
