Ministri i Mjedisit Jetësor dhe Planifikimit Hapësinor Naser Nuredini realizoi takim pune me Ministrin e Mjedisit, Planifikimit Hapësinor dhe Insfrastrukturës nga Kosova Liburn Aliu, ku diskutuan për thellimin e bashkëpunimit dypalësh ndërkufitar në mbrojtjen e mjedisit jetësor. Fokusi i bisedës ishte në menaxhimin e suksesshëm të zonave të përbashkëta të mbrojtura, veçanërisht për parkun kombëtar të sapo shpallur Mali Sharr, i cili kufizohet me atë ekzistues në Kosovë dhe përdorimin e potencialeve të reja të hapura për zhvillimin socio-ekonomik. U diskutua edhe për ndërtimin e autostradës Prizren-Tetovë e cila është e një rëndësie të veçantë për të dy rajonet. Për realizimin e një projekti të tillë veçanërisht duhet të merret parasysh Vlerësimi i Ndikimit në Mjedisin Jetësor, duke qenë se ai duhet të kalojë përmes Malit Sharr.
