Sot, së bashku me Kryetarin e Komunës së Tearcës Isen Asani dhe Zëvendësministrin e Drejtësisë Agim Nuhiu, kemi vizituar punimet e realizuara të projektit për ndërtimin e një sistemi funksional të bartjes së ujërave të zeza për vendbanimin Tearcë, në komunën e Tearcës. Projekti parashikon ndërtimin e një rrjeti kanalizimesh në 26 rrugë me një gjatësi totale prej rreth 11,700 metrash, dhe fondet për implementimin e tij në vlerë prej afërsisht 52 milion denarë janë siguruar nga Ministria e Mjedisit Jetësor dhe Planifikimit Hapësinor.
