Me kënaqësi të veçantë mora pjesë në prezantimin e projektit “Cinderela”për ekonominë rrethore dhe shfrytëzimin e mbeturinave si burim, e cila u zhvillua në kompaninë Makstil SHA, në kompleksin Hekurudha sepse po realizohet në momentin kur Ministria e Mjedisit Jetësor dhe Qeveria e RMV-së po hapin rrugën për krijimin e një ekonomie rrethore në vend. Ky model biznesi i ekonomisë rrethore për zhvillim të qëndrueshëm urban dhe ndërtim tregon se është e mundur që politikat zhvillimore dhe praktikat të shkojnë paralelisht dhe të ndiqen. Përdorimi i lëndës së parë sekondare industriale si material ndërtimi është një projekt i shkëlqyer për të zvogëluar sasinë e mbeturinave të deponuara dhe për të mbrojtur burimet parësore dhe në të njëjtën kohë siguron zgjidhje më të lirë dhe më të shpejtë për rindërtimin e rrugëve. Pra, ne kemi në zgjidhje të brendshme për zgjyrën, e cila është nënprodukt i shkrirjes së hekurit të vjetër, dhe e përdorim atë si zëvendësim deri në 20% për çimento, asfaltim dhe tamponimin e rrugëve, parkingjeve dhe të ngjajshme.
