Ministria e Mjedisit Jetësor dhe Planifikimit Hapësinor informon se sot në seancën e 54, Qeveria e Republikës së Мaqedonisë së Veriut e shqyrtoi dhe miratoi Informacionin mbi prokurimin publik shumëvjeçar për financimin e: – aktivitetit për ndërtimin e kolektorit fekal, kanalizimit fekal dhe kanalizimit atmosferik për Bllokun Urban 21 në Gostivar dhe – aktivitetit për rindërtimin dhe zgjerimin e rrjetit të furnizimit me ujë në fshatrat Zvegor dhe Gabrovë si pjesë e projektit “Furnizimi me ujë i Dellçevës” i kofinansuar nga Konfederata Zvicerane (e përfaqësuar nga Sekretariati Shtetëror Zvicerian për Çështjet Ekonomike, SECO). Vlera e parashikuar e projektit në komunën e Gostivarit është 151 187 460.00 denarë, dhe mjetet janë siguruar nga Buxheti i MMJPH-së për vitin 2021-2023, ndërsa vlera e parashikuar e projektit në komunën e Dellçevës është 75 554 330.00 denarë dhe të njëjtat sigurohen nga Buxheti i MMJPH-së për vitin 2021-2022. Ministria e Mjedisit Jetësor dhe Planifikimit Hapësinor do të fillojë procedurën shumëvjeçare të prokurimit publik sapo komunat përkatëse të përfundojnë dhe të paraqesin dokumentacionin e nevojshëm.
