Sot, nën kryesimin e ministrit të Mjedisit Jetësor dhe Planifikimit Hapësinor Naser Nuredini, është mbajtur mbledhja e pestë e Këshillit Kombëtar për Mbrojtjen e Natyrës, i formuar në përputhje me Ligjin për Mbrojtjen e Natyrës. Në takim u shqyrtuan disa çështje që kanë të bëjnë me mbrojtjen e natyrës në vendin tonë. Ndër të tjera, u diskutua edhe për statusin e rekomandimeve nga Konventa e Bernës për Republikën e Maqedonisë së Veriut, për hartimin e Studimit të Trashëgimisë Natyrore për nevojat e Planit të ri Hapësinor të shtetit, u prezantua projekti aktual IPA II: “Gjithashtu u diskutua për përmirësimin e kapaciteteve për Natura 2000 dhe CITES, si dhe çështjet që kanë të bëjnë me kërkesën e Shoqatës së qytetarëve të tanguar të patundshmërive në Berovë lidhur me zonën e mbrojtur Malet e Maleshevës”. Si prioritet për menaxhimin e qëndrueshëm të vlerave natyrore të kësaj zone të mbrojtur janë konsideruar edhe mundësitë për intensifikimin e aktiviteteve për përgatitjen e rishikimit të studimit të valorizimit të PK Mavrovë. Në takim u hap një diskutim për ndryhimet në aktin për mbrojtjen e natyrës në pjesën e procedurave të Vlerësimit të Ndikimit në Mjedis dhe Vlerësimit të Ndikimit Strategjik.
