Ministri i Punëve të Jashtme i republikës së Maqedonisë së Veriut, Bujar Osmani sot priti në takim Giles Norman, Ambasador i sapoemëruar i Jashtëzakonshëm dhe i Plotfuqishëm i Kanadasë në Republikën e Maqedonisë së Veriut me seli në Beograd, i cili dorëzoi letrat kredenciale.Ministri Osmani, duke i dëshiruar mirëseardhje dhe suksese në detyrën e re Ambasadorit të sapoemëruar, u shpreh optimist për një trend pozitiv të raporteve mes dy vendeve mike, i cili do të vazhdojë edhe gjatë mandatit të tij.Në takim, raportet bilaterale midis Republikës së Maqedonisë së Veriut dhe Kanadasë u vlerësuan si të afërta dhe shumë miqësore, të bazuara në partneritet strategjik mes dy vendeve si dhe në ndarjen e prioriteteve dhe vlerave të përbashkëta të NATO-s.Gjithashtu, u verifikua edhe interesi i ndërsjellë për avancimin e mëtejmë të bashkëpunimit bilateral në më shumë fusha konkrete, me theks të veçantë në bashkëpunimin ekonomik, si dhe vazhdimin e bashkëpunimit të suksesshëm multilateral.Ambasadori Norman veçoi mbështetjen kanadeze për reformat që po i zbaton Qeveria e Republikës së Maqedonisë së Veriut dhe përshëndeti arritjet e politikës së jashtme, duke theksuar se me anëtarësimin në NATO dhe perspektivën për nisjen e bisedimeve për aderim në BE, vendi ynë legjitimohet si partner kredibil që do të kontribuojë për paqen dhe sigurinë në rajon dhe më gjerë.
