Thellimi i bashkëpunimit në fushën e arsimit ndërmjet dy vendeve, zhvillimi i sistemeve arsimore përmes shkëmbimit të përvojave dhe lidhjes ndërinstitucionale ishte një nga pikat e diskutuara në seancën e parë të përbashkët ndërmjet qeverive të Maqedonisë së Veriut dhe Republikës së Bullgarisë theksoi ministri i Arsimit dhe Shkencës, Jeton Shaqiri. Këto takime, shtoi Shaqiri, janë mundësi për të tejkaluar sfidat që ekzistojnë aktualisht mes nesh si fqinjë ndërsa do të nxisin edhe më tej bashkëpunimin mes shkollave dhe institucioneve të arsimit të lartë nga të dyja vendet. “Shkenca, përveç arsimit, mund të zgjidhë sfida dhe probleme, ndërsa në këtë mënyrë edhe të përmirësojë kushtet e jetesës. “Pres bashkëpunim të frytshëm ndërmjet shkencëtarëve nga Maqedonia e Veriut dhe Bullgaria, që do të jetë shembull i bashkëpunimit të mirë fqinjësor dhe sukses në të ardhmen”, shtoi Shaqiri, duke falënderuar kolegët bullgarë për mikpritjen e tyre.
