Si rezultat i bashkëpunimit katër-vjeçar midis MSHIA-së, si partneri kryesor i Projektit të Modernizimit të Shërbimeve të Inspektimit të USAID, i zbatuar nga IDEAS DePo, sot Ministri i MSHIA, Jeton Shaqiri bëri një deklaratë në lidhje me përfundimin e Projektit në drejtim të përfitimeve nga Ligji per mbikqyrje inspektuese dhe zgjidhjes softerike që është në zhvillim e sipër, dhe do të jetë një sistem modern i centralizuar për planifikimin, zbatimin dhe monitorimin e inspektimeve nga shërbime të ndryshme inspektimi. Në këtë pilot faze janë të përfshira tre shërbime inspektuese dhe Këshilli inspektues, por pritet në të ardhmen, të gjitha inspetoriatet të fillojnë me përdorimin e këtij sistemi. Sistemi për e-Inspektoriatet është i përfshirë në platformën nacionale për interoperabilitet e cila është e administruar nga MSHIA-ja. Ministri Shaqiri potencoi se me këtë zgjidhje do të hidhet një hap i rëndësishëm përpara në procesin e digjitalizimit të shërbimeve publike të cilat shteti i ofron ndaj qytetarëve dhe bizneseve, si dhe do të rritet transparenca dhe efikasiteti i shërbimeve inspektuese.
