Kryetari i BDI-së Ali Ahmeti sonte ka vazhduar takimin me qytetarët e komunës së Zhelinës. Para të pranishmëve krahas kryetarit Ahmeti, fjalim rasti kanë mbajtur edhe zëvendëskryeministri i parë Artan Grubi, sekretari gjeneral i BDI Faton Ahmeti, deputeti Bedri Fazliu si dhe kryetari i degës së BDI në Zhelinë, Emir Sulejmani.
Po bëhen gjashtë muaj prej kur u bënë zgjedhjet e brendshme partiake, prej kur morëm pozitat dhe përgjegjësitë për obligimet për të cilat ngarkohemi dhe ky model inovativ u instalua falë vizionit të liderit Ali Ahmeti. Ky përparim brenda partisë apo çdo arritje shtetërore e jona mban vulën e Ali Ahmetit. Zhelina, komuna jonë fatkeqësisht po bën hapa prapa, nga një komunë e zhvilluar dhe me investime të vazhdueshme, punët kanë stagnuar dhe kemi probleme ekzistenciale. Duke parë dështimet katastrofale, sonte duhet të jap një lajm të lumtur për banorët tanë, pasi nga Banka Botërore kemi fituar fonde për investime të reja infrastrukturore, ndaj duke e ditur keqmenaxhimin e bërë nga pushteti lokal, menaxhues i ketyre projekteve është Ministria e Transportit dhe Lidhjeve. Sot duhet të ruajme unitetin, të mos lejojme forcat destruktive të në shpiejnë në rrugë te gabuara, por ne qëndrojmë krah dhe trasojmë rrugën e liderit tonë Ali Ahmeti, vlerësoi Sulejmani.
