Takimi i Osmanit me Faisal F. Al-Ibrahim, Ministrin e Ekonomisë dhe Planifikimit të Mbretërisë së Arabisë Saudite

Ministri i Punëve të Jashtme i Republikës së Maqedonisë së Veriut, Bujar Osmani, sot ka zhvilluar takim me Ministrin e Ekonomisë dhe Planifikimit të Mbretërisë së Arabisë Saudite, Sh.T. Faisal Al-Ibrahim.

Në takim u konstatua zhvillimi pozitiv i deritanishëm i marrëdhënieve ndërmjet dy vendeve dhe u theksua përkushtimi për vazhdimin e mëtejshëm të dialogut politik dhe intensifikimin e bashkëpunimit në të gjitha fushat me interes të përbashkët.

Vëmendje e veçantë iu kushtua bashkëpunimit ekonomik dhe tregtar ndërmjet dy vendeve, me ç’rast u theksua nevoja e thellimit të marrëdhënieve në këtë aspekt. Në takim, Osmani theksoi se Ministria e Punëve të Jashtme theks të veçantë i kushton diplomacisë ekonomike, gjë që dëshmohet me dërgimin e këshilltarit ekonomik në Ambasadën në Abu Dabi, i cili është përgjegjës edhe për bashkëpunimin ekonomik me Mbretërinë e Arabisë Saudite.

Lidhur me situatën kontraktuale mes dy vendeve, të dyja palët shprehën bindjes se është i nevojshëm zgjerimi i kornizës kontraktuale, me çka do të vendoset bazë për thellimin e mëtejmë të marrëdhënieve ndërmjet dy vendeve.

Në takim, bashkëbiseduesit shkëmbyen mendime për bashkëpunimin multilateral, për prioritetet e politikës së jashtme të të dyja vendeve, për temat rajonale, si dhe për çështjet dhe sfidat aktuale ndërkombëtare, ku ministri Al-Ibrahim iu referua kandidaturës së tyre për të qenë nikoqir i EXPO 2023 në Riad dhe e prezantoi programin e tyre për organizimin e kësaj ngjarjeje botërore.

Related posts

Reagim plotësues nga Bashkimi Demokratik për Integrim lidhur me incidentet e fundit

Bashkimi Demokratik për Integrim dënon ashpër edhe aktin e djegies së flamurit shqiptar, që përbën një sulm të drejtpërdrejtë ndaj simboleve dhe…

Ali Ahmeti uron 28 nëntorin: Përjetësi Shqipërisë dhe shqiptarëve!

Kryetari i Bashkimit Demokratik për Integrim, Ali Ahmeti, ka uruar kombin shqiptar me rastin e 28 nëntorit duke thënë që liria nuk…

Ali Ahmeti takon shoqatat e shqiptarëve në Kroaci: Mirënjohës Amerikës për jetë të jetëve

Kryetari i Bashkimit Demokratik për Integrim, Ali Ahmeti, gjatë qëndrimit të tij në Kroaci, ka takuar të gjitha shoqatat e shqiptarëve në…