Zëvendëskryeministri i parë, Artan Grubi, shoqëruar nga kryeministri i vendit, Dimitar Kovaçevski si dhe ministra të tjerë kanë pritur në takim presidentin austriak Alexander Van der Bellen.
Grubi në njoftimin e tij në Facebook shkruan se përkrahja e Austrisë ndaj Maqedonisë nuk ka munguar asnjëherë, duke fuqizuar të gjitha vendimet madhore të vendit.
Statusi i plotë:
Bashkë me kryeministrin dhe kolegë të tjerë kemi pritur sot në takim presidentin austriak Alexander Van der Bellen, i cili qëndron për vizitë zyrtare në Shkup.
Përkrahja e Austrisë në procesin e integrimit europian të vendit ka qenë gjithnjë e fuqishme.
Theksova se Republika e Maqedonisë së Veriut gjithnjë është shpërblyer për vendimet e guximshme në vitet e kaluara, andaj dhe hapi i rradhës për ndryshimet kushtetuese do të vulosë të ardhmën europiane të qytetarëve dhe vendit tonë.
