Në seancën e sotme qeveritare është miratuar vendimi që Universiteti “Nënë Tereza” të jetë pronar i objekteve në ish-kazermën e Shkupit.
Lajmin e ka bërë publik zëvendëskryeministri i parë, Artan Grubi në faqen e tij zyrtare në Facebook.
Njoftimi i plotë:
Universiteti “Nëna Terezë” nga sot është pronar i objekteve në ish kazermën “Ilinden”!
Sot edhe zyrtarisht në seancë të Qeverisë ia kaluam Universitetit “Nënë Tereza” pronësinë e disa prej objekteve në ish kazermën “Ilinden”, ku së shpejti do të vendoset kampusi universitar.
Aktualisht në objektet në fjalë po zhvillohet punime për adaptimin dhe pajisjen e tyre për nevojat e kuadrit mësimor – shkencor dhe studentët, për çka Qeveria ka ndarë mjete përmes Ministrisë së Arsimit dhe Shkencës.
Fëmijët e fshatrave Çiflik, Sveta Petkë dhe Patishka Rekë do të bëhen me shkolle të re, ky është vendimi i miratuar sot në seancën qeveritare.
Lajmin e ka bërë të ditur për opinionin zëvendëskryeministri i parë, Artan Grubi, i cili në një postim në faqen e tij zyrtare në Facebook jep dhe detaje më të konkretizuara për projektin.
Statusi i plotë:
Po e bëjmë realitet kërkesën e banorëve të fshatrave Çiflik, Sveta Petkë dhe Patishka Rekë për themelimin e një shkolle të re fillore në gjuhën shqipe.
Në seancën e sotme të Qeverisë dhamë mendim pozitiv për ndarjen e shkollës ekzistuese fillore “Draga Stojanovska” në fshatin Rakotincë dhe themelimin e shkollës së re fillore “Dituria” në fshatin Çiflik, në përbërje të së cilës do të jenë edhe shkollat e rajonit në fshatin Sveta Petkë dhe Patishka Rekë.
Mësimi do të zhvillohet në objektet ekzistuese që i plotësojnë të gjitha standardet për mbarëvajtje të procesit edukativo – arsimor, për çka janë siguruar edhe mësimdhënës për të gjitha lëndët nga grupi klasor dhe mësimi lëndor.
