Shkup, 22 janar 2026
Kryetari i Bashkimit Demokratik për Integrim, Ali Ahmeti, zhvilloi një takim të frytshëm dhe miqësor me Sh.S.znj. Kristin Melsom, Ambasadore e Mbretërisë së Norvegjisë, e akredituar për Republikën e Maqedonisë së Veriut, Serbinë dhe Malin e Zi, me seli në Ambasadën e Norvegjisë në Beograd.
Gjatë takimit u diskutua për zhvillimet aktuale politike në vend, në rajon dhe më gjerë, si dhe për proceset integruese dhe rëndësinë e ruajtjes së stabilitetit rajonal.
Me këtë rast, kryetari Ahmeti theksoi se anëtarësimi i Republikës së Maqedonisë së Veriut në Bashkimi Evropian është i domosdoshëm dhe se ky proces duhet të realizohet sa më parë, si një interes strategjik për të ardhmen evropiane të vendit dhe për forcimin e stabilitetit dhe zhvillimit afatgjatë.
