Tetovë, 30 korrik 2025
Kryetari i Bashkimit Demokratik për Integrim, Ali Ahmeti, priti në takim lamtumirës ambasadoren e Zvicrës, SH.S.znj. Veronique Ulmann, në selinë e BDI-së.
Me këtë rast, kryetari Ahmeti e falënderoi ambasadoren Ulmann për bashkëpunimin e shkëlqyer ndër vite, si dhe për mbështetjen e vazhdueshme dhe të parezervë që Konfederata Zvicerane i ka dhënë Republikës së Maqedonisë së Veriut dhe proceseve demokratike në vend.
Gjatë takimit, bashkëbiseduesit ritheksuan rëndësinë e perspektivës evropiane të vendit, duke nënvizuar nevojën për respektimin dhe zbatimin e plotë të Marrëveshjes së Ohrit, Marrëveshjes së Prespës dhe Marrëveshjes për Fqinjësi të Mirë, si themele të stabilitetit, bashkëjetesës dhe integrimit euroatlantik. Kryetari Ahmeti i uroi ambasadores Ulmann shëndet, mbarësi dhe suksese në angazhimet e saj të ardhshme, duke theksuar se në BDI ajo do të ketë gjithmonë miq të mirë dhe një derë të hapur për bashkëpunim, dialog dhe mirëkuptim, ashtu siç ka qenë gjatë gjithë mandatit të saj në vend
