Shkup, 11 korrik 2025
Kryetari i Bashkimit Demokratik për Integrim, Ali Ahmeti, priti në takim ekipin e Institutit Republikan Ndërkombëtar (IRI), të udhëhequr nga drejtori i zyrës rajonale, Paul Prososki, dhe përfaqësuesja për Republikën e Maqedonisë së Veriut, Ilina Mangova.
Gjatë takimit, kryetari Ahmeti vlerësoi lart kontributin e IRI-t në zhvillimin e proceseve demokratike në vend, duke i falënderuar për mbështetjen dhe bashkëpunimin e vazhdueshëm me BDI-në nëpërmjet projekteve dhe iniciativave të ndryshme.
Ai theksoi se partneriteti me IRI-n mbetet i rëndësishëm për avancimin e standardeve demokratike, forcimin e institucioneve dhe promovimin e vlerave të transparencës dhe llogaridhënies.
Kryetari Ahmeti riafirmoi përkushtimin e BDI-së për ta kultivuar dhe thelluar këtë bashkëpunim, si dhe për të intensifikuar aktivitetet që kontribuojnë në rritjen e transparencës, përgjegjshmërisë dhe besimit të qytetarëve në institucionet demokratike.
