Tetovë,16 qershor 2025
Kryetari i Bashkimit Demokratik për Integrim, Ali Ahmeti, mirëpriti në takim Ministrin e Infrastrukturës të Republikës së Kosovës, Liburn Aliu.
Gjatë takimit miqësor dhe të hapur, bashkëbiseduesit diskutuan për projektet e përbashkëta që lidhin dy vendet, si dhe për rëndësinë e bashkëpunimit ndërinstitucional në funksion të zhvillimit rajonal dhe përmirësimit të lidhjeve infrastrukturore.
Kryetari Ahmeti theksoi përkushtimin e tij të vazhdueshëm për ndërtimin e urave të bashkëpunimit dhe forcimin e marrëdhënieve ndërmjet Republikës së Maqedonisë së Veriut dhe Republikës së Kosovës, në interes të qytetarëve dhe të zhvillimit të përbashkët.
Ai vlerësoi se bashkëpunimi i ngushtë ndërmjet institucioneve të dy vendeve mbetet një faktor i rëndësishëm për avancimin e projekteve strategjike, zhvillimin ekonomik dhe forcimin e lidhjeve mbarëkombëtare.
