Shkup, 11 qershor 2025
Sekretari i përgjithshëm i BDI-së, Faton Ahmeti, mori pjesë në një takim të organizuar nga Westminster Foundation for Democracy me sekretarët e përgjithshëm të partive politike në vend.
Në takim u diskutuan të arriturat e këtij viti në kuadër të Indeksit të Transparencës së Partive Politike (Political Party Transparency Index), si një instrument i rëndësishëm për forcimin e integritetit, transparencës dhe besueshmërisë së partive politike, si dhe modalitetet për avancimin e dialogut ndërpartiak.
Pjesëmarrësit vlerësuan se takime të këtij formati gjithëpërfshirës dhe konstruktiv duhet të vazhdojnë edhe në të ardhmen, si një kontribut i rëndësishëm për forcimin e kulturës demokratike dhe bashkëpunimit politik në vend.
Me këtë rast, Ahmeti shprehu mirënjohje për organizimin e forumit dhe për përkushtimin e vazhdueshëm të Westminster Foundation for Democracy në mbështetje të proceseve demokratike.
