Çashkë, 1 qershor 2026
Sot, në praninë e Kryetarit të Bashkimit Demokratik për Integrim, Ali Ahmeti, u mbajt Kuvendi Zgjedhor i Degës së BDI-së në Çashkë, një ngjarje e rëndësishme organizative që shënon një etapë të re në fuqizimin dhe riorganizimin e strukturave tona lokale.
Në këtë kuvend u zgjodhën dhe u konstituuan organet e reja drejtuese, të cilat do të udhëheqin aktivitetin politik të degës në periudhën e ardhshme, duke u angazhuar për realizimin e programit dhe vizionit të BDI-së në shërbim të qytetarëve.
Gjatë takimit u theksua se dega e Çashkës sot paraqet një organizim të fuqishëm, të bashkuar dhe të gatshëm për t’u përballur me sfidat që i presin qytetarët. Përfaqësuesit e zgjedhur morën obligimin që të jenë zëri i kërkesave dhe interesave të qytetarëve, duke punuar me përkushtim, transparencë dhe përgjegjësi.
Një vëmendje e veçantë iu kushtua ruajtjes dhe avancimit të vlerave që burojnë nga Marrëveshja e Ohrit, si bazë e barazisë, respektit të ndërsjellë dhe zhvillimit demokratik të vendit.
BDI mbetet e përkushtuar ndaj qytetarëve dhe aspiratave të tyre, duke vazhduar rrugëtimin me energji të re, unitet dhe vizion të qartë për të ardhmen.
