Kërçovë, 20 qershor 2026
Kërçova rikonfirmon forcën e organizimit dhe unitetit të BDI-së. Me pjesëmarrje të madhe dhe në një atmosferë plot energji pozitive, sonte u mbajt Kuvendi Zgjedhor i Degës së BDI-së në Kërçovë, në të cilin mori pjesë edhe kryetari i partisë, Ali Ahmeti.
Delegatët e Kuvendit zgjodhën organet e reja të degës, përfshirë Kryesinë e Degës, Këshillin Mbikëqyrës, Komitetin e Veteranëve dhe sekretarët e sekretariateve, duke përmbyllur me sukses një proces demokratik dhe gjithëpërfshirës.
Mesazhi që doli nga Kërçova ishte i qartë: Bashkimi Demokratik për Integrim vazhdon të mbetet forca më e organizuar politike ndër shqiptarët, e mbështetur në përvojë, përgjegjësi dhe besimin e qytetarëve. Strukturat e zgjedhura sonte përfaqësojnë një kombinim të përvojës dhe energjisë së re, të gatshme për t’iu përgjigjur sfidave dhe pritshmërive të anëtarësisë dhe qytetarëve.
Kërçova, si një nga bastionet e rëndësishme të BDI-së, dëshmoi edhe një herë se uniteti, solidariteti dhe organizimi i mirë janë themeli i çdo suksesi politik.
Urime të zgjedhurve dhe punë të mbarë në detyrat që i presin!
Së bashku vazhdojmë përpara, më të fortë dhe më të bashkuar.
https://www.facebook.com/share/p/1BnHUbdTLT/?mibextid=wwXIfr
