Ministri i Punëve të Jashtme, Bujar Osmani, në kuadër të vizitës së punës në Hungari, realizoi takim edhe me këshilltarët për politikë të jashtme të kryeministrit hungarez Viktor Orban- Janos Bala dhe Janos Mate.Në takim me dy këshilltarët, u bisedua për raportet e afërta bilaterale mes dy vendeve dhe nevojën për intensifikimin e të njëjtave, në veçanti u shqyrtuan modalitetet për avancimin е bashkëpunimin në plan ekonomik dhe tregtar, ku ende ekziston potencial i pashfrytëzuar që duhet të shfrytëzohet, para së gjithash nga ana e bashkësive të biznesit nga të dyja vendet.Në këtë kontekst, bashkëbiseduesit posaçërisht u pajtuan për rëndësinë e mbajtjes së sesionit të 4-t të Komisionit të përzier Maqedoni e Veriut – Hungari për bashkëpunim ekonomik, kur do të krijohen kushtet epidemiologjike.Në takim u shkëmbyen mendime edhe për tema aktuale dhe ngjarje në rajon, si në raport të bashkëpunimit rajonal, ashtu edhe për çështjet e hapura bilaterale dhe proceset që janë të rëndësishme për stabilitetin dhe perspektivën evropiane të Ballkanit Perëndimor, por edhe të Bashkimit Evropian.Osmani paraprakisht realizoi takim edhe me nikoqirin e tij, Ministrin e Punëve të Jashtme dhe Tregtisë, Péter Szijjártó.Ministri Osmani në tre ditët e fundit kishte agjendë intensive duke vizituar vendet anëtare të BE-së pjesë të fqinjësisë më të gjerë të Ballkanit Perëndimor, Republikën Çeke, Rumaninë dhe Hungarinë, ndërsa mini turneu mbaron me 21 dhjetor me vizitën e Austrisë.
