Kryetari i BDI-së, Ali Ahmeti në emisionin “Ballkan Talks” në Euronews Albania deklaroi se për dy vjet do të përfundojë autostrada Shkup – Bllacë.Ahmeti shtoi se projektet infrastrukturore janë shumë të rëndësishme për vendin sidomos korridori 8.“Projektet infrastrukturore janë shumë të rëndësishme dhe besoj se brenda këtyre 5 viteve të realizohen, sidomos korridori 8 që është shumë i rëndësishëm për ne si shtet por edhe për Shqipërinë dhe rajonin. Si pjesa e hekurudhës ashtu edhe pjesa automobilistike. Mendoj se brenda këtyre dy viteve të përmbyllet autostrada Gostivar – Qafë Thanë si dhe autostrada Shkup Bllacë”, deklaroi Kreu i BDI-së, Ali Ahmeti në Euronews Albania.
