Ministri i Ekonomisë, Kreshnik Bekteshi ka zhvilluar sot një takim dypalësh me Ministrin e Ekonomisë dhe Zhvillimit të Qëndrueshëm të Kroacisë, Davor Filipoviq, në kuadër të Takimit Ministror të Partneritetit për Energji Transatlantike dhe Ndryshimet Klimatike (P-TECC), i cili po mbahet në Zagreb. Në takim morën pjesë drejtori i përgjithshëm i SHA EМV-së, Vasko Kovaçevski dhe drejtori i përgjithshëm i SHA NoMaGas, Bajram Rexhepi.
Në takim, ministrat diskutuan për bashkëpunimin dypalësh mes dy vendeve dhe mundësinë e thellimit të tij edhe në të ardhmen. Temë e bisedës ishin masat e ndërrmara nga të dy vendet në përballjen me krizën energjetike dhe të çmimeve me të cilën po përballet i gjithë kontinenti evropian, si dhe investimet në burimet e rinovueshme të energjisë.
Ministri Bekteshi tha se në procesin e transformimit të sistemit energjetik në Maqedoninë e Veriut, që po ndodh aktualisht, si vend mund të shfrytëzojmë përvojat e Kroacisë në fushën e ruajtjes së energjisë elektrike nga burimet e ripërtëritshme, Ligji për infrastrukturën e energjisë së gjelbër si dhe përvojat që kanë në themelimin e Fondit për efikasitet të energjisë dhe zhvillim të qëndrueshëm
Ministri Bekteshi theksoi se në procesin e reformave në Maqedoninë e Veriut shpesh janë marrë parasysh shembujt pozitivë dhe reformat në Kroaci, të cilat kanë rezultuar të suksesshme dhe janë krijuar shumë bashkëpunime me Kroacinë.
