Tearcë, 6 korrik 2026
Në prani të kryetarit Ali Ahmeti, Dega e Bashkimit Demokratik për Integrim në Tearcë mbajti sonte Kuvendin Zgjedhor, në një atmosferë të karakterizuar nga uniteti, përgjegjësia dhe besimi i palëkundur në rrugëtimin e përbashkët politik. Në këtë kuvend u zgjodhën organet e reja drejtuese të degës, duke dëshmuar edhe një herë fuqinë organizative dhe mobilizimin e strukturave të BDI-së në Tearcë.
Tearca mbetet një nga shtyllat e rëndësishme të organizimit të Bashkimit Demokratik për Integrim. Energjia e aktivistëve, përvoja e veteranëve dhe përfshirja e brezave të rinj përbëjnë dëshminë më të mirë se BDI vazhdon të jetë organizata politike shqiptare më e konsoliduar dhe më e organizuar në vend.
Me këtë rast, u përcollën urime për të gjithë të zgjedhurit në strukturat e reja drejtuese, me bindjen se përkushtimi, uniteti dhe përgjegjësia do të jenë udhërrëfyes në përballimin e sfidave që e presin organizatën dhe shqiptarët në përgjithësi. Mesazhi nga Tearca ishte i qartë: me unitet, vendosmëri dhe besim te njëri-tjetri, do të vazhdohet përpara në mbrojtje të dinjitetit, barazisë dhe të drejtave të shqiptarëve.
Tearca është gati. BDI është gati. Bashkë, përpara!
https://www.facebook.com/share/p/19BbcAovV2/?mibextid=wwXIfr
