Strugë, 4 korrik 2026
Sonte, në Strugën e traditës, qëndresës dhe kontributit kombëtar, kryetari Ali Ahmeti mori pjesë në Kuvendin Zgjedhor të Degës së Bashkimit Demokratik për Integrim, ku në një atmosferë uniteti, përgjegjësie dhe entuziazmi u zgjodhën organet dhe strukturat e reja drejtuese të degës.
Struga ka qenë dhe mbetet një nga shtyllat e fuqishme të rrugëtimit politik të Bashkimit Demokratik për Integrim. Kryetari Ahmeti vlerësoi organizimin, bashkimin dhe energjinë e anëtarësisë, duke theksuar se sonte pa një organizatë të konsoliduar, një anëtarësi të vendosur dhe një frymë që dëshmon qartë se BDI është më e organizuar dhe më e gatshme se kurrë për përballjet që e presin.
Të zgjedhurve në strukturat e reja drejtuese, kryetari Ahmeti u uroi punë të mbarë dhe suksese në përgjegjësitë e reja. Me respekt për çdo aktivist, me besim te njëri-tjetri dhe me përkushtim ndaj kauzës së përbashkët, ai theksoi se rrugëtimi vazhdon përpara, sepse kur jemi bashkë, jemi të pathyeshëm.
https://www.facebook.com/share/p/1F7HRD3SwM/?mibextid=wwXIfr
