Tetovë, 17 dhjetor 2025
Kryetari i Bashkimit Demokratik për Integrim, Ali Ahmeti, mirëpriti në selinë e BDI-së dhe ndau një drekë me ish-Presidentin e Republikës së Shqipërisë, Prof. Dr. Rexhep Meidani, një figurë të shquar të kombit shqiptar.
Kryetari Ahmeti vlerësoi se Presidenti Mejdani ka udhëhequr Shqipërinë në periudha të rëndësishme dhe sfiduese, duke dhënë kontribut të çmuar edhe gjatë luftës në Kosovë dhe në Maqedoninë e Veriut.
Me këtë rast, u vlerësua edhe nderimi që Universiteti i Tetovës i bëri Prof. Dr. Rexhep Meidanit me titullin “Doctor Honoris Causa”, në kuadër të 31-vjetorit të themelimit të universitetit, si mirënjohje për kontributin e tij akademik, politik dhe kombëtar.
Gjatë takimit, bashkëbiseduesit shkëmbyen mendime dhe pikëpamje për zhvillimet e përgjithshme politike, si dhe për situatën në Maqedoninë e Veriut, në rajon dhe më gjerë.
Kryetari Ahmeti theksoi se Presidenti Mejdani mbetet një figurë që e nderon kombin tonë dhe një zë i urtë i mendimit akademik e politik shqiptar.
