Tetovë, 22 korrik 2026
Kryetari i Bashkimit Demokratik për Integrim, Ali Ahmeti, priti në takim Ambasadorin e Austrisë në Republikën e Maqedonisë së Veriut, Shkëlqesinë e Tij, z. Martin Pammer.
Gjatë takimit zhvilluan një bisedë të hapur mbi zhvillimet politike në vend, perspektivën evropiane të Maqedonisë së Veriut dhe sfidat që kërkojnë përgjegjësi të përbashkët institucionale. Kryetari Ahmeti ritheksoi se rruga drejt Bashkimit Evropian mbetet orientimi strategjik i vendit dhe se nuk ka alternativë tjetër.
Ai nënvizoi se përparimi në procesin eurointegrues kërkon respektimin e Marrëveshjes së Ohrit, forcimin e sundimit të së drejtës, funksionimin e institucioneve mbi parimet e barazisë dhe demokracisë, si dhe përmbushjen e obligimeve që burojnë nga ky proces.
Kryetari Ahmeti vlerësoi gjithashtu se marrëdhëniet e mira ndëretnike, politika e fqinjësisë së mirë dhe zhvillimi ekonomik që garanton mirëqenie për qytetarët janë shtyllat kryesore të së ardhmes evropiane të Maqedonisë së Veriut.
https://www.facebook.com/share/p/1DY7y29Wmv/?mibextid=wwXIfr
