Shkup, 16 korrik 2026
Sot, në Kuvend, Kryetari i Bashkimit Demokratik për Integrim, Ali Ahmeti, u takua me Ambasadorin e Mbretërisë së Bashkuar në vendin tonë, Sh.T.Z. Matthew Lawson.
Gjatë takimit, Kryetari Ahmeti e falënderoi ambasadorin për mbështetjen e vazhdueshme që Mbretëria e Bashkuar i jep vendit në forcimin e proceseve demokratike, institucioneve dhe marrëdhënieve ndëretnike.
Bashkëbiseduesit diskutuan për rëndësinë e Marrëveshjes së Ohrit, vazhdimin e reformave dhe rrugëtimin evropian të vendit, duke ritheksuar rëndësinë e partneritetit të fuqishëm ndërmjet Maqedonisë së Veriut dhe Mbretërisë së Bashkuar, si dhe përkushtimin e përbashkët ndaj stabilitetit, demokracisë dhe perspektivës evropiane të vendit.
https://www.facebook.com/share/p/1FpqBzShbs/?mibextid=wwXIfr
