Tetovë, 5 gusht 2026
Kryetari i Bashkimit Demokratik për Integrim, z. Ali Ahmeti, priti në takim lamtumirës Ambasadorin e Republikës Çeke në Republikën e Maqedonisë së Veriut, Shkëlqesinë e Tij, z. Jaroslav Ludva, mikun e Bashkimit Demokratik për Integrim.
Gjatë takimit u vlerësua bashkëpunimi i deritanishëm dhe kontributi i Ambasadorit Ludva në forcimin e marrëdhënieve ndërmjet dy vendeve, si dhe mbështetja e tij e vazhdueshme për perspektivën evropiane të Maqedonisë së Veriut.
Kryetari Ahmeti theksoi rëndësinë e ruajtjes së Marrëveshjes së Ohrit, respektimit të barazisë dhe përshpejtimit të integrimit në Bashkimin Evropian, ndërsa Ambasadorit Ludva i uroi suksese në angazhimet e tij të ardhshme, me bindjen se miqësia dhe bashkëpunimi do të vazhdojnë të forcohen.
https://www.facebook.com/share/p/18LbpB3PLg/?mibextid=wwXIfr
