Kryetari i Bashkimit Demokratik për Integrim, Ali Ahmeti, shprehu pikëllimin e tij të thellë për ndarjen nga jeta të Shaip Haxhiut, të birit të Ahmed Haxhiut. Ahmeti vlerësoi se familja Haxhiu ka dhënë një kontribut të çmuar në periudha të rëndësishme të veprimtarisë sonë kombëtare, ndërsa shtëpia e tyre ka qenë një bazë e rëndësishme e lëvizjes kombëtare shqiptare. Sipas tij, kjo derë atdhetare do të kujtohet gjithmonë me respekt dhe mirënjohje.
Në këto çaste të vështira, Ahmeti shprehu ngushëllimet e tij më të sinqerta për familjen Haxhiu, miqtë dhe të gjithë ata që e njohën dhe e vlerësuan të ndjerin.
I qoftë i lehtë dheu i atdheut.
