Me rastin e Pashkëve Ortodokse, Kryetari i Bashkimit Demokratik për Integrim, Ali Ahmeti, përcolli urimet e tij më të sinqerta për shëndet, paqe dhe mbarësi në familjet e të gjithë besimtarëve. Ahmeti theksoi se kjo festë, e cila simbolizon ringjalljen dhe shpresën, na kujton vlerat më të larta njerëzore, si respekti për njëri-tjetrin, solidariteti dhe bashkëjetesa.
Ai vlerësoi se në kohë sfidash, më shumë se kurrë nevojitet unitet, mirëkuptim dhe angazhim i përbashkët për ndërtimin e një të ardhmeje më të mirë për të gjithë qytetarët. Sipas tij, forcimi i besimit, respektit të ndërsjellë dhe përkushtimit për zhvillimin e vendit mbetet detyrë e përbashkët e të gjithë qytetarëve.
Ahmeti uroi që Pashkët Ortodokse të sjellin paqe, harmoni, begati dhe gëzim në çdo familje.
Gëzuar Pashkët Ortodokse për të gjithë besimtarët!
