Kryetari i Bashkimit Demokratik për Integrim, Ali Ahmeti, shprehu pikëllimin e tij të thellë për ndarjen nga jeta të ish-Presidentit të Shteteve të Bashkuara të Amerikës, Jimmy Carter.
Kryetari Ahmeti vlerësoi se Jimmy Carter do të kujtohet për angazhimin e tij të palodhur në shërbim të paqes, të drejtave të njeriut dhe zhvillimit global, duke lënë gjurmë të rëndësishme në marrëdhëniet ndërkombëtare dhe në promovimin e vlerave universale.
Ai theksoi se përkushtimi i Presidentit Carter për një botë më të drejtë dhe më paqësore do të mbetet një shembull frymëzues për brezat e tanishëm dhe të ardhshëm.
Kryetari Ahmeti u shprehu ngushëllimet e tij më të sinqerta familjes Carter, popullit amerikan dhe të gjithë atyre që e vlerësuan veprën dhe trashëgiminë e tij.
Qoftë i përhershëm kujtimi për Presidentin Jimmy Carter.
