,,Kisha nderin të pres në ambientet e Ministrisë për shoqëri informatike dhe administratë, në një takim pune, Kryetarin e Komunës së Dibrës, z. Hekuran Duka. Përgjatë takimit diskutuam mundësinë për digjitalizimin e shërbimeve të kësaj komune dhe përfshirjen e tyre në portalin nacional për e-shërbime. Unë i garantova kryetarit Duka, se Ministria që unë drejtoj është e gatshme të vë në dispozicion të gjitha kapacitetet e saj për të ndihmuar në këtë proces. U diskutua edhe mbi mundësinë për kyçjen e kësaj komune në Sistemin për menaxhim të dokumentave (DMS). Me kyçjen në këtë sistem, komunikimi ndërinstitucional bëhet më i shpejtë dhe më efikas. Takimin e përfunduam duke premtuar se do të thellojmë bashkëpunimin dhe komunikimin ndërinstitucional, në mënyrë që të arrihen rezultate konkrete në të ardhmen, në të mirë të qytetarëve“, theksoi ministri i Shoqërisë Informatike dhe Administratës Jeton Shaqiri.
