Shkup, 26 maj 2026
Të rinjtë sot dërguan një mesazh të fuqishëm se politika mund dhe duhet të jetë hapësirë dialogu, respekti të ndërsjellë dhe pjekurie demokratike.
Me nënshkrimin e Deklaratës për vlerat evropiane, organizatat rinore të partive politike dëshmuan se gjeneratat e reja kanë kapacitetin, përgjegjësinë dhe vizionin për të kontribuar aktivisht në ndërtimin e një të ardhmeje demokratike, gjithëpërfshirëse dhe evropiane për Republikën e Maqedonisë së Veriut.
Bashkimi Demokratik për Integrim në këtë iniciativë u përfaqësua nga Kanita Ramadani, së bashku me të rinj aktivistë të BDI-së, të cilët me pjesëmarrjen e tyre konfirmuan përkushtimin e partisë sonë ndaj kulturës politike, bashkëpunimit dhe vlerave evropiane.
Prania e përfaqësuesve të bashkësisë ndërkombëtare dhe sektorit civil i dha peshë të veçantë kësaj nisme të rëndësishme, e cila dëshmon se dialogu dhe bashkëpunimi mbeten rruga e vetme drejt një shoqërie më demokratike dhe më të denjë për të gjithë.
BDI mbetet e përkushtuar që të rinjtë të jenë zë dhe forcë shtytëse e ndryshimeve pozitive, proceseve demokratike dhe rrugëtimit evropian të vendit.
